Fleiri lausnir

Fleiri leiðir til að einfalda og verja reksturinn

Daglegur rekstur byggir á fleiri þáttum en tölvupósti og skjalavinnslu. Verja þarf tölvur og notendaaðganga, tryggja afritun gagna, halda utan um lykilorð og sjá til þess að samskipti og tengingar virki.

Arína býður fjölbreyttar lausnir sem hægt er að nota sjálfstætt eða sameina í þjónustu- og öryggispakka. Við hjálpum þér að velja það sem hentar rekstrinum og sjáum um uppsetningu, umsýslu og áframhaldandi aðstoð.

Fá ráðgjöf

Tækjavarnir og öryggisvöktun

Arína býður Huntress tækjavörn EDR fyrir tölvur og Huntress aðgangsvernd ITDR fyrir notendaaðganga í Microsoft 365 og Google Workspace.

Lausnirnar hjálpa við að greina óvenjulega hegðun, spilliforrit, yfirtöku notendareikninga og aðrar ógnir. Sérhæft öryggisteymi Huntress vaktar þjónustuna allan sólarhringinn og Arína sér um uppsetningu, utanumhald og eftirfylgni þegar atvik greinast.

Kynna mér öryggisþjónustu

Tækjaumsjón og uppfærslur

Miðlæg tækjaumsjón veitir yfirsýn yfir tölvur og auðveldar uppsetningu hugbúnaðar, stýringu uppfærslna og fjaraðstoð.

Arína notar meðal annars Microsoft Intune og tækjaumsjón Acronis eftir því hvaða umhverfi og leyfi fyrirtækið er með. Markmiðið er að halda tölvum uppfærðum, samræma mikilvægar stillingar og leysa vandamál með sem minnstri röskun fyrir starfsfólk.

Kynna mér tækjaumsjón

Afritun og endurheimt

Gögn geta tapast vegna mistaka, bilana, eyðingar eða netárása. Því er mikilvægt að afrita ekki aðeins gögn á tölvum heldur einnig upplýsingar sem eru geymdar í Microsoft 365 og Google Workspace.

Arína býður afritunarlausnir frá Acronis fyrir skýjaþjónustur, tölvur, netþjóna og önnur mikilvæg gögn. Við fylgjumst með því að afritun takist og aðstoðum við endurheimt þegar hennar er þörf.

Kynna mér afritun

Lykilorðastýring

Keeper veitir starfsfólki öruggan stað til að geyma og nota lykilorð og auðveldar fyrirtækinu að stýra sameiginlegum aðgöngum.

Arína aðstoðar við uppsetningu, flutning lykilorða og skipulag aðgangsheimilda. Þegar starfsmaður hættir er hægt að loka aðgangi hans án þess að fyrirtækið missi yfirsýn yfir sameiginleg lykilorð.

Skoða lykilorðageymslu

Öryggisfræðsla starfsfólks

AwareGo hjálpar starfsfólki að þekkja vefveiðar, svikatölvupóst, óörugg lykilorð og aðrar algengar netógnir með stuttu og aðgengilegu fræðsluefni.

Hægt er að byrja á stöðumati og nota niðurstöðurnar til að velja fræðslu sem tekur mið af raunverulegri þekkingu og áhættu innan fyrirtækisins.

Skoða öryggisfræðslu

Tölvupóst- og lénavarnir

Réttar SPF-, DKIM- og DMARC-stillingar hjálpa til við að verja lén fyrirtækisins gegn fölsun og bæta yfirsýn yfir hvaða þjónustur senda tölvupóst í nafni þess.

Arína notar PowerDMARC til að vakta notkun lénsins, greina óheimilar sendingar og styðja við innleiðingu sterkari varna. Við aðstoðum einnig þegar lögmætur tölvupóstur skilar sér illa.

Skoða lénavarnir

Síma- og samskiptalausnir

Arína þjónustar 3CX-símkerfi sem geta sameinað borðsíma, tölvuforrit og farsímaforrit í einni lausn.

Við aðstoðum meðal annars við notendur, símsvörun, biðraðir og minniháttar breytingar. Við nýjar eða umfangsmiklar uppsetningar vinnum við með sérhæfðum samstarfsaðila og hjálpum til við að tryggja að lausnin henti vinnulagi fyrirtækisins.

Netkerfi og nettengingar

Við aðstoðum við grunnbilanagreiningu á nettengingum, þráðlausum netum, eldveggjum og öðrum nettækjum.

Þegar þörf er á nýju netkerfi eða umfangsmiklum breytingum hjálpum við við að skilgreina þarfirnar og vinnum með viðeigandi þjónustuaðila að lausninni.

Ein lausn eða heildstæður pakki

Ekki þurfa öll fyrirtæki sömu þjónustu. Hægt er að kaupa margar lausnir sjálfstætt eða sameina þær í Grunnvernd, Aukna vernd eða Hámarksvernd Arínu.

Við förum yfir notendur, tæki, gögn og núverandi umhverfi og leggjum til þá vernd og þjónustu sem reksturinn þarf.

Finnum réttu lausnina

Þú þarft ekki að vita hvaða framleiðanda eða tæknilega útfærslu þú þarft áður en þú hefur samband.

Segðu okkur frá því sem þarf að leysa og við leggjum til skýra og raunhæfa leið áfram.