Microsoft 365 lagað að þínum rekstri

Microsoft 365 sameinar tölvupóst, Office-forrit, skjalavistun, samskipti og samvinnu í einu vinnuumhverfi.

Arína útvegar Microsoft 365-leyfi fyrir fyrirtæki og aðstoðar við val á réttri leið, uppsetningu, flutning gagna og áframhaldandi umsýslu.

Verkfæri fyrir daglega vinnu

Microsoft 365 veitir starfsfólki aðgang að kunnuglegum verkfærum á borð við Outlook, Word, Excel, PowerPoint og Teams.

OneDrive og SharePoint auðvelda örugga vistun og miðlun skjala, en Teams sameinar spjall, fundi og samstarf starfsfólks óháð staðsetningu.

Hvaða forrit og eiginleikar fylgja fer eftir því hvaða leyfi er valið.

Hvaða leyfi hentar?

Microsoft 365 Business Basic hentar notendum sem þurfa fyrirtækjatölvupóst, Teams, skýjageymslu og Office-forrit í vafra.

Business Standard bætir við Office-forritum sem hægt er að setja upp á tölvur, en Business Premium býður auk þess upp á víðtækari öryggiseiginleika og miðlæga tækjaumsjón.

Ekki þurfa allir notendur sama leyfið. Við förum yfir vinnulagið og hjálpum fyrirtækinu að velja hagkvæma samsetningu fyrir ólíka notendur.

Öryggi og tækjaumsjón

Microsoft 365 býður ýmsar leiðir til að verja notendur, tölvur og gögn.

Með réttum leyfum er meðal annars hægt að nýta fjölþáttaauðkenningu, Microsoft Defender og Intune til að stýra aðgöngum, verja tölvur og framfylgja öryggisstillingum með miðlægum hætti.

Arína aðstoðar við uppsetningu og utanumhald og getur bætt við afritun, öryggisvöktun og öðrum vörnum eftir þörfum.

Innleiðing og flutningur

Við setjum upp ný Microsoft 365-umhverfi og getum tekið við umsýslu á umhverfum sem þegar eru í notkun.

Við aðstoðum meðal annars við uppsetningu notenda og léna, flutning tölvupósts og gagna, skipulag OneDrive og SharePoint og uppsetningu forrita og öryggisstillinga.

Flutningur getur verið úr eldri tölvupóstkerfum, staðbundnum skráakerfum eða Google Workspace.

Meira en sala á leyfum

Þjónustan þarf ekki að enda þegar Microsoft 365 hefur verið sett upp.

Arína getur séð um breytingar á notendum og leyfum, aðstoðað starfsfólk við dagleg vandamál og fylgt eftir stillingum og öryggi. Við hjálpum einnig fyrirtækinu að bæta við lausnum á borð við Microsoft Copilot, Project, Visio og Power BI þegar þörf er á.

Verð Microsoft-leyfa geta breyst vegna verðbreytinga framleiðanda og gengis. Gildandi verð birtast við hverja vöru eða eru staðfest þegar gengið er frá pöntun.

Segðu okkur frá rekstrinum, fjölda notenda og tækja og þeirri þjónustu sem þú þarft.

Við förum yfir stöðuna og setjum saman skýra tillögu með verði, umfangi og næstu skrefum.

Arína upplýsingatækni ehf.
Sími 419 9191
[email protected]
Stórhöfða 29
110 Reykjavík
Opið virka daga 9-17
Fjarhjálp