Tölvuþjónusta sem mætir þér þar sem þú ert

Arína aðstoðar fyrirtæki, félagasamtök og stofnanir við dagleg tæknimál, uppsetningar og breytingar á vinnuumhverfi.

Við eigum bein samskipti við starfsfólkið, leysum úr vandamálum og útskýrum hlutina á skýran hátt. Þú getur leitað til okkar vegna einstaks máls eða fengið reglulega þjónustu með þjónustusamningi.

Hvernig getum við aðstoðað?

Notendaaðstoð og bilanagreining

Við aðstoðum þegar tölvur, tölvupóstur, hugbúnaður, prentarar eða önnur tæki virka ekki sem skyldi.

Fjarhjálp og aðstoð á staðnum

Mörg mál leysum við fljótt með fjarhjálp. Þegar þörf er á komum við einnig á starfsstöð viðskiptavinarins.

Uppsetning tölva og hugbúnaðar

Við undirbúum nýjar tölvur, setjum upp hugbúnað, tengjum vinnuaðganga og flytjum gögn af eldri tækjum.

Umsjón notenda og aðganga

Við stofnum og lokum notendum, úthlutum leyfum og höldum utan um aðgang að tölvupósti, skrám og öðrum þjónustum.

Nýtt starfsfólk og starfslok

Við sjáum um tæknilega uppsetningu þegar starfsmaður hefur störf og lokum aðgöngum með skipulögðum hætti þegar hann hættir.

Búnaður og vinnuumhverfi

Við aðstoðum við val, kaup og uppsetningu á tölvum, skjám, tengikvíum, prenturum og öðrum búnaði.

Miðlæg tækjaumsjón

Með miðlægri tækjaumsjón fær Arína betri yfirsýn yfir tölvur fyrirtækisins og getur fylgst með stöðu þeirra, uppfærslum og völdum stillingum.

Tækjaumsjón auðveldar einnig fjarhjálp, uppsetningu hugbúnaðar og skipulagt utanumhald þegar tölvur eru teknar í notkun, endurnýjaðar eða afhentar öðrum starfsmanni.

Við hjálpum málinu í réttan farveg

Tæknilegt umhverfi fyrirtækja byggist oft á þjónustu frá mörgum aðilum. Vandamál getur tengst interneti, símaþjónustu, prentara, bókhaldskerfi eða sérhæfðum hugbúnaði.

Við aðstoðum við að greina hvar vandamálið liggur og vinnum með öðrum þjónustuaðilum þegar þess er þörf. Þannig þarf viðskiptavinurinn ekki sjálfur að finna út hver ber ábyrgð á hverju.

Þjónusta með eða án samnings

Aðstoð eftir þörfum

Hentar þegar þjónustuþörfin er óregluleg eða verkefnið vel afmarkað. Vinnan er rukkuð samkvæmt almennu tímagjaldi eða samþykktri kostnaðaráætlun.

Regluleg þjónusta

Með þjónustusamningi kaupir fyrirtækið ákveðinn fjölda þjónustustunda í hverjum mánuði. Tímarnir fara í tímabanka og nýtast við tækniaðstoð, ráðgjöf og önnur verkefni sem falla undir samninginn.

Tölvuþjónusta og öryggi

Almenn tölvuþjónusta nær yfir aðstoð við notendur, bilanir, uppsetningar og breytingar.

Stýrð öryggisþjónusta Arínu bætir við fyrirbyggjandi vörnum, afritun, miðlægri umsjón og öryggisvöktun. Fyrirtæki geta valið tölvuþjónustu, öryggisþjónustu eða samsetningu sem hentar rekstrinum.

Fáðu þjónustu sem hentar rekstrinum

Segðu okkur frá fjölda notenda og tækja og þeirri aðstoð sem fyrirtækið þarf.

Við förum yfir stöðuna og leggjum til skýrt fyrirkomulag með umfangi, verði og næstu skrefum.

Segðu okkur frá rekstrinum, fjölda notenda og tækja og þeirri þjónustu sem þú þarft.

Við förum yfir stöðuna og setjum saman skýra tillögu með verði, umfangi og næstu skrefum.

Arína upplýsingatækni ehf.
Sími 419 9191
[email protected]
Stórhöfða 29
110 Reykjavík
Opið virka daga 9-17
Fjarhjálp