Öruggari lykilorð án óþarfa fyrirhafnar

Lykilorðageymsla Arínu veitir starfsfólki öruggan stað til að geyma lykilorð, aðgangslykla og aðrar viðkvæmar upplýsingar.

Með Keeper þarf starfsfólk aðeins að muna eitt sterkt aðallykilorð. Lausnin hjálpar síðan við að búa til sterk og einstök lykilorð, fylla þau sjálfkrafa inn og deila aðgöngum á öruggan hátt.

Arína aðstoðar við uppsetningu, innleiðingu og flutning lykilorða svo auðvelt sé að koma lausninni í notkun.

Lykilorð eiga ekki heima í skjölum og skilaboðum

Þegar starfsfólk þarf að halda utan um marga aðganga er auðvelt að falla í þá gryfju að endurnýta lykilorð eða geyma þau í vafra, töflureikni, tölvupósti eða skilaboðum.

Lykilorðageymsla dregur úr þessari áhættu með því að geyma aðgangsupplýsingar á einum öruggum stað. Hver notandi fær sína eigin geymslu og fyrirtækið getur búið til sameiginlegar möppur fyrir þá aðganga sem starfsfólk þarf að deila.

Þegar starfsmaður skiptir um hlutverk eða lætur af störfum er hægt að fjarlægja aðgang hans án þess að senda lykilorð á milli fólks eða breyta öllum sameiginlegum aðgöngum.

Einfaldara fyrir starfsfólkið

Keeper getur búið til sterk lykilorð og fyllt þau sjálfkrafa inn á vefsíður og í forrit. Lausnin virkar í vöfrum, tölvum og snjalltækjum svo notendur hafi aðgang að upplýsingunum sínum þar sem þeir þurfa á þeim að halda.

Með sameiginlegum möppum er hægt að deila aðgöngum innan fyrirtækisins án þess að senda lykilorðin í tölvupósti eða skilaboðum. Fyrirtækið getur jafnframt stjórnað því hverjir mega skoða, breyta eða deila hverjum aðgangi.

Tvær þjónustuleiðir

Lykilorðageymsla

Hentar fyrirtækjum sem vilja örugga og miðlæga geymslu fyrir lykilorð ásamt einfaldri miðlun aðganga innan fyrirtækisins.

Innifalið er meðal annars:

• Dulkóðuð geymsla fyrir hvern notanda
• Sterk og einstök lykilorð búin til sjálfkrafa
• Sjálfvirk útfylling í vöfrum og forritum
• Sameiginlegar möppur og örugg miðlun aðganga
• Stjórnun notenda, hópa og aðgangsheimilda
• Notkun í tölvum og snjalltækjum

Lykilorðageymsla Plus

Plus-leiðin inniheldur allt sem fylgir almennu leiðinni og bætir við BreachWatch-vöktun frá Keeper.

BreachWatch fylgist með því hvort aðgangsupplýsingar í geymslunni hafi komið fram í þekktum gagnalekum. Ef lykilorð greinist í leka fær notandinn viðvörun svo hægt sé að skipta því út áður en það er misnotað.

Við hjálpum fyrirtækinu af stað

Ný lausn bætir aðeins öryggið ef starfsfólkið kemur henni í notkun. Arína aðstoðar við að setja upp umhverfið, stofna notendur og hópa, móta sameiginlegar möppur og færa lykilorð úr vöfrum eða öðrum geymslum.

Við förum einnig yfir notkunina með starfsfólki og hjálpum því að tileinka sér öruggari vinnubrögð án þess að gera dagleg störf óþarflega flókin.

Uppsetning, innleiðing og umfang flutnings eru metin sérstaklega eftir fjölda notenda og núverandi umhverfi.

Hluti af Hámarksvernd

Lykilorðageymsla er innifalin í Hámarksvernd Arínu ásamt tækjavörn, aðgangsvernd, afritun og öryggisfræðslu.

Einnig er hægt að kaupa lykilorðageymsluna sjálfstætt eða nota hana með öðrum þjónustum Arínu.

Algengar spurningar

Við hjálpum þér að velja réttu þjónustuleiðina, setja upp umhverfið og koma starfsfólkinu af stað.

Arína upplýsingatækni ehf.
Sími 419 9191
[email protected]
Stórhöfða 29
110 Reykjavík
Opið virka daga 9-17
Fjarhjálp