Verndaðu orðspor fyrirtækisins í tölvupósti
Svikarar geta reynt að senda tölvupóst sem virðist koma frá léni fyrirtækisins. Slík fölsun getur verið notuð til að blekkja starfsfólk, viðskiptavini og samstarfsaðila til að opna skaðleg viðhengi, gefa upp aðgangsupplýsingar eða greiða falsa reikninga.
Lénavarnir Arínu hjálpa fyrirtækinu að koma í veg fyrir óheimilar sendingar í nafni þess og veita yfirsýn yfir hvaða þjónustur nota lénið til að senda tölvupóst.
Arína aðstoðar við uppsetningu, lagfæringar og áframhaldandi utanumhald.
Hægt er að falsa sendandann
Þótt tölvupóstur sýni rétt nafn og netfang er ekki sjálfgefið að hann hafi raunverulega verið sendur frá viðkomandi fyrirtæki.
Án réttra stillinga geta svikarar reynt að líkja eftir sendandanum og sent tölvupóst sem virðist koma frá léni fyrirtækisins. Viðtakandinn getur þá átt erfitt með að sjá að um fölsun sé að ræða.
Lénavarnir hjálpa móttökukerfum að staðfesta hvaða þjónustur mega senda tölvupóst í nafni lénsins og hvernig meðhöndla eigi sendingar sem standast ekki sannprófun.
SPF, DKIM og DMARC á mannamáli
Lénavarnir byggjast meðal annars á þremur mikilvægum stillingum:
SPF
SPF tilgreinir hvaða póstþjónar og kerfi hafa heimild til að senda tölvupóst í nafni lénsins.
DKIM
DKIM bætir stafrænni undirritun við tölvupóst svo móttökukerfið geti staðfest hvaðan sendingin kom og að henni hafi ekki verið breytt á leiðinni.
DMARC
DMARC tengir varnirnar saman og segir móttökukerfum hvað eigi að gera þegar sending stenst ekki sannprófun. Það veitir einnig skýrslur sem hjálpa til við að greina bæði lögmætar og óheimilar sendingar.
Fyrirtækið þarf ekki sjálft að kunna á þessar stillingar. Arína sér um tæknilega yfirferð og hjálpar til við að koma þeim rétt upp.
Yfirsýn yfir allar sendingar
Tölvupóstur er ekki alltaf aðeins sendur úr Microsoft 365 eða Google Workspace. Vefsíður, bókhaldskerfi, markaðslausnir, þjónustukerfi og ýmis önnur forrit geta einnig sent tölvupóst í nafni fyrirtækisins.
Með lénavörnum fæst yfirsýn yfir hvaða þjónustur senda tölvupóst frá léninu. Þannig er hægt að staðfesta lögmæta sendendur, finna úrelt kerfi og greina óþekktar eða grunsamlegar sendingar.
Þessi yfirsýn er mikilvæg áður en varnirnar eru hertar svo lögmætur tölvupóstur stöðvist ekki fyrir mistök.
Innleiðing í öruggum skrefum
Arína byrjar á að skoða núverandi stillingar og finna þær þjónustur sem senda tölvupóst í nafni fyrirtækisins.
SPF-, DKIM- og DMARC-stillingar eru síðan settar upp eða lagfærðar eftir þörfum. Varnirnar eru hertar í skrefum á meðan fylgst er með skýrslum og gengið úr skugga um að lögmætar sendingar berist áfram.
Uppsetning og lagfæring eru metnar sérstaklega þar sem umfangið fer eftir núverandi umhverfi, fjölda sendingarþjónusta og ástandi lénsins.
Mánaðarleg þjónusta veitir áframhaldandi yfirsýn eftir að uppsetningu lýkur.
Það sem lénavarnir gera – og gera ekki
Lénavarnir hjálpa til við að koma í veg fyrir að óheimilar sendingar séu samþykktar eins og þær komi frá réttu léni fyrirtækisins.
Þær geta hins vegar ekki einar og sér komið í veg fyrir að svikari skrái annað lén sem líkist hinu rétta eða noti falskt birtingarnafn. Þess vegna virka lénavarnir best með góðum póstvörnum, aðgangsvernd og öryggisfræðslu starfsfólks.
Algengar spurningar
Ef fyrirtækið sendir tölvupóst frá eigin léni ætti það að vera með rétt uppsettar SPF-, DKIM- og DMARC-stillingar. Það ver bæði viðtakendur og orðspor lénsins.
SPF og DKIM geta verið að hluta til uppsett, en það þýðir ekki endilega að allar sendingar séu rétt skilgreindar eða að DMARC sé farið að verja lénið. Við förum yfir núverandi stöðu áður en breytingar eru gerðar.
Rangar eða of strangar stillingar geta haft áhrif á lögmætar sendingar. Þess vegna eru varnirnar innleiddar í skrefum og sendingar skoðaðar áður en strangari stefna er virkjuð.
Já. Lénavarnir er hægt að nota með bæði Microsoft 365 og Google Workspace ásamt öðrum kerfum sem senda tölvupóst í nafni fyrirtækisins.
Þá þarf að staðfesta þá þjónustu sem lögmætan sendanda. Við hjálpum til við að finna slíkar sendingar og stilla varnirnar með hliðsjón af þeim.
Nei. Hún ver lénið sjálft gegn tilteknum tegundum fölsunar en stöðvar ekki allar mögulegar blekkingar eða sendingar frá svipuðum lénum.
Nei. Hægt er að kaupa lénavarnir sjálfstætt.
Gildandi mánaðarverð er að finna í verðskrá Arínu. Uppsetning og lagfæring eru metnar sérstaklega eftir núverandi umhverfi.
Verndum lénið og orðspor fyrirtækisins
Við förum yfir núverandi stöðu, finnum lögmæta sendendur og hjálpum þér að koma réttum vörnum í gagnið.
Arína upplýsingatækni ehf.
Sími 419 9191
[email protected]
Stórhöfða 29
110 Reykjavík
Opið virka daga 9-17
Fjarhjálp
