Stýrð öryggisþjónusta fyrir fyrirtæki

Netöryggi snýst um að vernda tölvutæki, notendaaðganga og gögn en jafnframt að fylgjast með óvenjulegri virkni og geta brugðist við þegar hætta greinist.

Stýrð öryggisþjónusta Arínu sameinar öryggislausnir, afritun, uppsetningu, miðlæga umsjón og sólarhringsvöktun sérhæfðs öryggisteymis.

Við hjálpum fyrirtækinu að velja hæfilega vernd, komum lausnunum í notkun og höfum áframhaldandi umsjón með þeim.

Vörn sem nær til aðganga, tækja og gagna

Árásir geta hafist með stolnu lykilorði, svikatölvupósti, óuppfærðri tölvu eða notandaaðgangi sem hefur verið tekinn yfir. Þess vegna þarf vörnin að ná til fleiri þátta en hefðbundin vírusvörn gerir.

Öryggisþjónusta Arínu getur meðal annars falið í sér:

• Vörn notendaaðganga í Microsoft 365 eða Google Workspace
• Vörn tölvutækja gegn spilliforritum og annarri óheimilli virkni
• Greiningu óvenjulegrar hegðunar
• Sólarhringsvöktun sérhæfðs öryggisteymis
• Einangrun tölvutækis þegar alvarleg hætta greinist
• Afritun Microsoft 365 eða Google Workspace
• Miðlæga tækjaumsjón og eftirlit með uppfærslum

Umfangið fer eftir þeirri þjónustuleið sem fyrirtækið velur.

Huntress tækja- og aðgangsvernd

Huntress tækjavörn EDR fylgist með tölvum og leitar að hegðun sem getur bent til spilliforrita, lausnargjaldsárása eða annarrar óheimillar virkni.

Huntress aðgangsvernd ITDR fylgist með notendaaðgöngum í Microsoft 365 eða Google Workspace og leitar meðal annars að grunsamlegum innskráningum, skaðlegum póstreglum, óheimilum forritum og stolnum notendalotum.

Sérhæft öryggisteymi Huntress rannsakar viðvaranir allan sólarhringinn og metur hvort um raunverulega hættu sé að ræða. Arína sér um uppsetningu, miðlægt utanumhald og eftirfylgni.

Þjónustuleiðir Arínu

Arína Skýjavernd

Verndar notendaaðganga og gögn í Microsoft 365 eða Google Workspace með Huntress aðgangsvernd ITDR, sólarhringsvöktun og afritun skýjagagna.

Arína Tækjavernd

Verndar tölvutæki með Huntress tækjavörn EDR og felur jafnframt í sér sólarhringsvöktun og afritun Microsoft 365 eða Google Workspace.

Arína Heildarvernd

Sameinar tækja- og aðgangsvernd, afritun skýjagagna, miðlæga tækjaumsjón og eftirlit með uppfærslum.

Arína Hámarksvernd

Byggir á Heildarvernd og bætir við Keeper-lykilorðageymslu og reglulegri AwareGo-öryggisfræðslu.

Fleiri lög í öryggisvörninni

Hægt er að bæta fleiri lausnum við öryggisþjónustuna eða kaupa þær sjálfstætt.

Lykilorðastýring

Keeper veitir starfsfólki örugga geymslu fyrir lykilorð og auðveldar örugga miðlun aðganga.

Öryggisfræðsla

AwareGo hjálpar starfsfólki að þekkja vefveiðar, svikatölvupóst og aðrar algengar aðferðir árásaraðila.

Lénavarnir

Lénavarnir hjálpa til við að koma í veg fyrir fölsun tölvupósts frá léni fyrirtækisins og veita yfirsýn yfir notkun þess.

Meira en bara hugbúnaðarleyfi

Arína sér ekki aðeins um að útvega leyfin. Við förum yfir núverandi umhverfi, setjum lausnirnar upp, tengjum notendur og tölvutæki og staðfestum að vöktun og afritun virki.

Við höfum áframhaldandi yfirsýn yfir þjónustuna, fylgjum frávikum eftir og aðstoðum við næstu skref þegar öryggisatvik eða viðvaranir koma upp.

Umsýsla þeirra lausna sem tilheyra þjónustuleiðinni er innifalin. Önnur tækniaðstoð er rukkuð samkvæmt tímagjaldi eða tekin af tímabanka þjónustusamnings.

Algengar spurningar

Finndu réttu verndina

Segðu okkur frá fjölda notenda og tölvutækja, skýjaumhverfinu og þeim vörnum sem fyrirtækið notar nú þegar.

Við förum yfir stöðuna og leggjum til skýra þjónustuleið með verði, umfangi og næstu skrefum.

Segðu okkur frá rekstrinum, fjölda notenda og tækja og þeirri þjónustu sem þú þarft.

Við förum yfir stöðuna og setjum saman skýra tillögu með verði, umfangi og næstu skrefum.

Arína upplýsingatækni ehf.
Sími 419 9191
[email protected]
Stórhöfða 29
110 Reykjavík
Opið virka daga 9-17
Fjarhjálp